Gudbrandsdal krigsminnesamling, Kvam
Den 9. april 1940 vart tyske tropper landsette i Noreg. Vi var i krig, og krigshandlingane i landet skulle vare i to månader. Dei hardaste kampane i Sør-Noreg fann stad i Kvam i Gudbrandsdalen 25. og 26 april mellom tyskarane og britane. Om lag 70 hus brann ned, mellom dei kyrkja i Kvam. Desse hendingane er også bakgrunnen for at vi har utstillinga Gudbrandsdal krigsminnesamling, opna 5. mai 1995, som er ei unik minnesamling om krig, okkupasjon og forsvar i Gudbrandsdalen. I tillegg har samlinga ei utstilling kring Skottetoget i 1612.
