Pilegrimssenteret på Dale-Gudbrands Gard gjev informasjon om vandreruter, enkel overnatting med sjølvhushald for pilegrimar og organisering av vandringar langs pilegrimsleia Gudbrandsdalsleden frå Lillehammer til Sel.
På senteret er det gardsbutikk som sel pilegrimsartiklar og lokalproduserte varer og bøker. Pilegrimsenteret har eit eige pilegrimskapell.
Dale-Gudbrands gard er i dag ein naturleg stopp for pilegrimar på vandring langs Gudbrandsdalsvegen frå Oslo til Nidaros. Du finn eit vigsla kapell som tener som pilegrimsrom, ein plass for ettertanke og ro.
Gudbrandsdalsmusea gjev omvising for grupper på bestilling.
Pilegrimssenter Dale-Gudbrand gir oppdatert informasjon om Gudbrandsdalsleden:
Vandreetapper
Severdigheiter
Overnatting
Serveringsstader
Butikkar
Transport
Kulturhistorie med meir
Ifylgje Snorre Sturlason møttest kong Olav Haraldsson og hersen Dale-Gudbrand på Hundorp i 1021. Møtet resulterte i at dølane med Dale-Gudbrand i spissen tok imot kristendommen.
Pilegrimssenteret på Dale-Gudbrands Gard er ein av Innlandet fylke sine to tusenårsstader. Ein tur etter kulturstien – tusenårsstien – gjev deg moglegheit til å lese meir om kulturminna og historia.
