Eldhuset - Presthaugen bygdemuseum

Eldhuset kan leigast av friviljuge og kommersielle aktørar. Privatpersonar har diverre ikkje anledning til å leige bygget.

Lom kommune (til dømes skule og barnehage) og Lom heimbygdslag har gratis leige. 

Fasiliteter

Eldhuset ligg sentralt i Lom bygdamuseum Presthaugen, rett i nærleiken av Lom sentrum. Eldhuset er utstyrt med:

• Stor eldplass med bålgrill utandørs
• Innandørs bakstomn
• Kjøkenfasilitetar: Vask, plåtetopp, kjøle- og fryseskåp og kaffetraktar.

Alle leigetakarar må sjølve halde kol/ved til bålgrillen.

Bålmat

Å lage mat over open eld har lange tradisjonar i Nord-Gudbrandsdalen, og er å sjå på som ein viktig del av kulturarven vår. Både tilreisande og fastbuande i Lom har i Eldhuset tilbod om å lære seg denne måten å lage mat på.

Presthaugen er ein sentral samlingsplass for mange arrangement, mellom anna i regi av friviljuge lag og foreiningar, barnehage og skule. Med Eldhuset er det lagt til rette for å nytte området for både friviljug sektor og lokalt næringsliv.