I Gudbrandsdalen har du framleis moglegheita til å oppleve levande seterkultur ført vidare av engasjerte budeier og budeirullar.

Midt på 1800-talet var det nær 100 000 setrer i drift i landet. I dag er det i underkant av 750 aktive setrer att. Stadig fleire gardbrukarar vel bort seterdrifta. Det er eit tap med mange konsekvensar, ikkje minst for landbruket sjølv. Med det høge tempoet i nedlegginga av seterkulturen er ein fleire hundre år gamal praksis og kulturtradisjon i fare for å forsvinne.

Gudbrandsdalsmusea tilbyr i 2025 unike seteropplevingar i samarbeid med seterbrukarane Jorid Belle-Thysell på Reindøl i Lesja og Hans Gubhage i Finndalen i Lom. Båe er aktive og gode ambassadørar for norsk landbruk og for norsk kulturarv.

Program for seterbesøk i 2025 er ikkje klart enno.

God tur til seters!