Frå dei gamle egyptiske faraoane, via kongeleg luksus og magiske ritual til levande kulturtradisjonar i Gudbrandsdalen går bruken av tekstilet lin som ei grøn renning gjennom kulturhistoria.
I vår tid er det hardføre linet i ferd med å få si renessanse – kan planta med dei blå og kvite blomene bidra i det grønt klesskiftet? Vil du vite svaret, er ein god stad å starte her på denne temasida finn du mykje av materialet, objekta og dokumentasjonen.
Sommaren 2025 byr den historiske prestegarden Ullinsvin i Vågå nord i Gudbrandsdalen på ein serie flotte kunstutstillingar. Toppa med Gudbrandsdalsmusea si utstilling LIN 2.0 | Frå frø til tråd - med linet si rike kulturhistorie tematisert med historier, redskap, klede og kunsthandverk.
Utstillinga er støtta økonomisk av Sparebankstiftelsen DNB
