Opning | Sommar på bygdatunet

På opningsdagen blir det husflid og bakst, og seljefløytekonsert med Benjamin Aas.

Hagen utviklar seg vidare, og er i ferd med å bli ein liten forsøksgard – alt i regi av Sofia Bang Elm. Kom å sjå kor fint det har blitt! Skuleungar har sett potet og kålplanter, og dei har sådd bondebønner og gulerøter. Dei har òg laga uro for å halde fuglar unna grønsaksengene. Eit forsøksfelt med forskjellig grasfrø er òg på plass. Sju vedder er alt på plass. Snart kjem både høner og griser.

I midten av juli opnar ei kontainarutstilling om dei arkeologiske utgravingane på Aursjøen, og ei portrettutstilling om Otto Ekren. Meir informasjon kjem seinare.

Sommarprogrammet kjem i Vigga rett før sesongstart, og seinare i sommarmagasinet. Fullt sommarprogram ligg også tilgjengeleg på nettsida vår.

Visste du at Lesja bygdemuseum har fått sin eigen sylvsmed? Torunn Samset Rognerud har installert seg i Nestandestugu. Ynskjer du sylv eller ein god prat, kom innom!

Igjen; Takk til kvar og ein som bidreg – frivillige og alle andre. De er med på å oppretthalde Lesja bygdemuseum som den finaste perla i bygda – og til eit unikt museum i den store museumsfamilien.

Velkommen innom!