Øygarden er først nemnd i 1576, og vart freda av Riksantikvaren i 1923. Inntunet er av dei meir spesielle i dalen, omkransa av åtte laftehus med svalgangar. Garden er i dag eit levande kulturelt sentrum med galleri, scene, ein liten kafé og overnatting.

Eigarar i dag er Freddy Bagge og Christine Bugjerde.

Sommaren 2025 opnar ei permanent utstilling om den kjende bilethoggaren Knut Steen.

Gudbrandsdalsmusea og Øygarden ynskjer å utvikle samarbeidet med faste formidlingstiltak. Kvar laurdag i juli månad blir det husflidsaktivitetar, føredrag og konsertar. Det er fyrste gong museet tilbyr kulturhistoriske opplevingar på eit freda gardsanlegg. Vi håpar initiativet kan vere med å skape auka merksemd om bygningsarven og dei freda, levande gardsanlegga.