Hopp til hovudinnhald

Ung og døl

Kven er dagens unge døler? Kva formar ungdomslivet i Gudbrandsdalen i dag? Kva er dei opptekne av, og kva utfordringar står dei i?

NB! Arrangementet har funne stad
Aktivitetshuset på Otta Gudbrandsdalsmusea
24. april 2025
19.00 – 21.00

Velkommen til ein samtale om ungdomstid, identitet og tilhøyr!

Ungdata har i fleire år peikt på utfordringane for innlandskommunane med høge mobbetal i skulen og elevar som slit med rus og mentale plager. Rapportane viser at dei fleste ungdommane i Innlandet stort sett har det bra, men at ikkje alle trivs korkje på skulen eller i nærmiljøet sitt. Mange peikar på streng sosial kontroll, lite rom for annleisheit og at det er krevjande å «finne gjengen sin». Særleg utsette er jentene. Når ein ikkje trivast på skulen, er sjansane for fråfall stort. Dropout-problematikken er høg i vårt distrikt, særleg gjeld dette for gutane.

Dette og meir til ynskjer vi å gå i djupa på i ein open samtale mellom tre unge døler, ein psykolog og ein helsesjukepleiar. Dei som har takka ja til å vere med er: 

Skuleelev Johanna Matre Rognerud
Skuleelev Sigrid Avdem
Skuleelev Eivind Maurstad Husom
Helsesjukepleiar Synnøve Harerusten
Psykolog Helene Toxe
Den som skal leie samtalen er journalist i GD Kari Utgaard

Rammene for samtalen ser slik ut: 

19.00: Velkommen og kort presentasjon
19.10: Samtale
20.00: Kveldsmat/eller noko anna
20.15: Spørsmål og refleksjon frå frammøtte

Kvar: Aktivitetshuset på Otta / Johan Nygårdsgate 17
Når: Torsdag 24. april klokka 19.00
For kven: Alle
Inngang: Gratis

Arrangementet blir til med økonomisk støtte frå Fritt Ord

Arrangør: Gudbrandsdalsmusea

 

  • Kari Utgaard
    1/2
    Kari Utgaard GD
  • Norsk fjellsenter
    2/2
    Cathrine Dokken
Museum24:Portal - 2025.04.24
Grunnstilsett-versjon: 2