FJOSET / ULLINSVIN
Line Bøhmer Løkken
Den anerkjente biletkunstnaren og fotografen Line Bøhmer Løkken stiller ut poetiske og sterke foto i Fjoset i Ullinsvin i Vågå under tittelen FLATRØSTA HØGREIST.
Utstillinga blir til med økonomisk støtte frå Sparebankstiftelsen og Innlandet fylkeskommune.
LAGERBYGG / VÅGÅ SENTRUM
Fleire
I hovudutstillinga SPOR / TRE i Vågå sentrum (Kvernvegen 2 rett bak KIWI) kjem du tett på treverk og verktøy – og menneska. Her er bidrag frå elevar på Hjerleid handverksskule, frå kunstnar Gunvor Nervold Antonsen, tømrar Kjetil B. Løkken og Trehuseksperten og filmselskapet Bortelaget – alt ramma inn i tekstar av Alice Gudheim. Utstillinga blir til med økonomisk støtte frå Sparebankstiftelsen og Innlandet fylkeskommune.
GALLERIET
Ståle Blæsterdalen
Ståle Blæsterdalen har både heimen og atelieret sitt på Tretten i Gudbrandsdalen. Han er oppteken av menneske, dyr og natur og samspelet mellom desse. Blæsterdalen arbeidar både med teikning, skulptur, kollasj og tresnitt.
Ståle Blæsterdalen (f. 1951) er utdanna frå Statens Kunstakademi og Statens Håndverks- og Kunstindustriskole. Han har hatt fleire separatutstillingar, blant anna i Kunstnerforbundet, Trondheim kunstmuseum og Kunsthallen Lysekil i Sverige. Han har også delteke på kollektivutstillingar og biennalar i Norge, Danmark, Japan, India og England, og på Østlandsutstillingen. Ståle Blæsterdalen har hatt ei rekkje utsmykkingsoppdrag og er representert i blant anna Lillehammer kunstmuseum, Trondheim kunstmuseum, Nasjonalgalleriet og Riksgalleriet i Oslo, og British Museum i London.
Orsolya Haarberg
Orsolya Haarberg (1977) er fotograf og interiørdesignar. Ho er fødd og oppvakse i Ungarn og utdanna landskapsarkitekt. I 2005 flytta ho til Norge og gjorde lidenskapen for fotografering til yrket sitt.
Orsolya har vunne ein rekkje internasjonale prisar og utmerkingar. Merittlista omfattar blant anna utstillingar internasjonalt, fem bøker på sju ulike språk og publisering av 4 fotoartiklar i National Geographic magasin globalt. I 2020, etter 15 år på reisefot i Norden, busette Orsolya seg i Vågå og etablerte Fjellheimen Galleri. Her lagar og formidlar ho fotografi og interiørprodukt laga av unike og kortreiste råmateriale frå fjellheimen.
LÅVEN
Anne Kampmann
Anne Kampmann (f. 1946) er utdanna ved Statens Håndverks- og Kunstindustriskole i Oslo. Ho har hatt over 50 separatutstillingar i inn- og utland, og har delteke i over 40 gruppeutstillingar og ca. 100 kollektive. Verka hennar er innkjøpt av Norsk kulturråd og Nasjonalgalleriet i tillegg til ei rekkje andre offentlege og private institusjonar. Ho har også utsmykkingar på fleire skular, sjukeheimar og universitet i tillegg til Kampen kirke i Stavanger.
Kjell Erik Killi Olsen
Nytt for 2026 er at Kjell Erik Killi Olsen vil vere permanent representert i Låven i Ullinsvin med skiftande salsutstillingar.
Rå og hudlaus, uredd og særeigen, er karakteristikkar som er nytta om målar, grafikar, bilethoggar og verdskunstnar Kjell Erik Killi Olsen (født 1952). Ein av Noreg sine mest profilerte og anerkjende samtidskunstnarar – og ein av få som har oppnådd verkeleg stor internasjonal suksess. Killi-Olsen bur og arbeidar på middelaldergarden Sandbu i Vågå.
STABBURET og GALLERIET
Kunstutsal av kunstnarane Anne Kristine Thorsby, Annette Hveem Narum, Dag Selboskar, Helene Fjell, Håvard Homstvedt, Håvard Stamnes, Kristian Finborud, Maria Natalie Skjeset, Marius Amdam, Roar Kjærnstad, Therese Myran, Tone Dietrichson, Johan Mæhlum, Kari Mølstad, Katharina Sparstad, Nina Standerholen
AURBU
Lokalmatutsal med kvalitetsvarer frå Gudbrandsdalen. Her kan du få kjøpt produkt frå Avdem gardsysteri, Sygard Ramstad, Skjelkvåle, Den lille tytingfabrikken, Brimi sæter, Aukrust, lokale bøker, Hyggen og fleire andre.
MUSIKK PÅ TUNET
Kvar torsdag kl. 12.30 er det musikk på inntunet i Ullinsvin.
9. juli | Annbjørg Tessnes og Kristin A. Hagen
16. juli | Knut Aastad Bråten
23. juli | Kjem snart!
30. juli | Grindstuen og Midtlis Orkester
6. august | Kjem snart!
13. august | Martine Haugen
VÅGÅ HUSFLIDSLAG
Kvar laurdag i sommar blir det demonstrering av ulike husflidsteknikkar på inntunet. Husflidsutsal med kvalitetsvarer!
LEIKARHUSET
Aktivitetar for born