Bli med prest Magnus Halle og kyrkjeverje Torunn Elisabeth Skotte Stavheim på vandring i dødens kulturlandskap.
Kyrkjegardane inviterer til mange tankar, om alt frå livets uunngåelege møte med døden til meir praktiske spørsmål, om alt frå gravplass til gravferd: frå det filosofiske og abstrakte til det konkrete og jordnære. Ta med deg eigne spørsmål og funderingar og bli med på ei vandring på Lesja kyrkjegard. Vi avsluttar i Lesja kyrkje med servering og kaffi.
Magnus Halle er sokneprest og kjem frå Oslo. Utover å vere prest i bygda interesserer Magnus seg for kulturhistorie, bildekunst og litteratur, og han er levande opptatt av prestegarden og historia til den. Torunn Elisabeth Skotte er kyrkjeverje i Lesja kommune. Torunn kjem frå Lesja.
Inngang: Gratis for alle som har løyst billett på Lesja bygdemuseum.
- 1/1
Knut Aastad Bråten
