Husflid, handverk og litteratur

Aurbu var kjøleskåp før kjøleskåpet fantest, stabbur før dei fyrste stabburstrappa vart reist i dalen. 

I tunet på Ullinsvin gamle prestegard har vi fyllt historiske og kjølige Aurbu med historiske gjenstandar og tidlaus smaksrikdom frå driftige lokalmatprodusentar i bygd og fjell. Og du verda, som salet går!Her inne i gardsbutikken i Ullinsvin er du hjarteleg velkomen til å forsyne deg av dei varene som er for sal. Bør opplevast - må smakast!

Aurbua vart bygd delvis nedsenka i terrenget og på skyggefulle stader. I aurbua vart det lagra ting som skulle stå kaldt og relativt rått – med andre ord som eit slag tidleg kjøleskåp.

Namnet aurbu skriv seg frå at golvet var av jord – lokalt kalla aur. Jordgolvet bidro til å kjølened rommet på varme sommardagar, og bidro til at det ikkje vart for kaldt om vinteren.

Aurbu hadde og berre ein glugg på veggen, noko som bidro til mest mogleg konstanttemperatur. Kjøleg om sommaren, og ikkje for kaldt om vinteren.InnreiingInnreiinga var enkel – langs tre vegger var det slinder med digre plankar oppå.På desse hyllene vart det lagra ost og smør. Helst skulle det vere jordbenk langsveggen der mjølkekollene stod.

På jordbenken var det lagt bjørkekvist eller einer.Her vart det lagra saft syltetøy og øl.

Gjenstandar av tre vart plassert i aurbua for at dei ikkje skulle gisne– altså tørke ut og sprekke opp

• Lesja bygdemuseum