Gudbrandsdalsleden strekk seg frå Oslo til Trondheim, med 643 km godt merka sti i variert landskap. Langs leden kan du oppleve nydeleg kulturlandskap langs Mjøsa, overnatte på historiske gardar i Gudbrandsdalen, vandre over mektige Dovrefjell og nyte stillheita i frodig trøndelagsnatur. Ei pilegrimsvandring gjer noko med deg. Å vandre frå Oslo til Trondheim og Olav den heilage si gravkyrkje er ei oppleving for livet.

Det er tilrådd å gå Gudbrandsdalsleden mellom 1. juni og 1. september. Går du utanfor denne tida, risikerer du at stiane er dekka av snø og smeltevatn, og overnattingsstadene kan vere stengde.

Gudbrandsdalsleden har eit uttal kulturminne å by på, mange av dei ligg tett ved leden. Du vil sjå gravminne, historiske stader, vakre kyrkjer og bevarte bygningar frå mellomalderen.

Gudbrandsdalsleden gir deg også nærkontakt med arven etter Olav den heilage. Olavskjelder er mange av, og desse skulle ha helande verknad.

Langs leden finn vi dei historiske stadene St. Hallvardskatedralen, Bønsnes, Granavollen, Hamardomen og Dale-Gudbrands Gard. Fleire av stadene er relatert til sagaen om Olav Haraldsson, seinare Olav den heilage.