Pilegrimsleden Oslo – Gjøvik/Hamar – Trondheim
Gudbrandsdalsleden
Oslo – Gjøvik/Hamar – Trondheim
Gudbrandsdalsleden var hovedvegen til Nidaros (Trondheim) i middelalderen. Gå i fotspora til tusenar av pilegrimer, og la deg inspirere av et mangfaldig og variert natur- og kulturlandskap.
- 1/8
- 2/8
- 3/8
- 4/8
- 5/8
- 6/8
- 7/8
- 8/8
GUDBRANDSDALSLEDEN strekk seg frå Oslo til Trondheim, med 643 km godt merka sti i variert landskap. Langs leden kan du oppleve nydeleg kulturlandskap langs Mjøsa, overnatte på historiske gardar i Gudbrandsdalen, vandre over mektige Dovrefjell og nyte stillheita i frodig Trøndelagsnatur. Ei pilegrimsvandring gjer noko med deg. Å vandre fra Oslo til Trondheim, og til slutt komme fram til pilegrimsmålet Nidarosdomen - Olav den helliges gravkirke - er ei oppleving for livet.
Det er tilrådd å gå Gudbrandsdalsleden mellom 1. juni og 1. september. Går du utanfor denne perioda, risikerer du at stiane er dekka av snø og smeltevatn, og overnattingsstadene kan vere stengde.
Arven etter Olav den heilage
Gudbrandsdalsleden har utallige kulturminne å by på, mange hundre ligg tett ved leden. Du vil sjå gravminner, historisk viktige stader, vakre kyrkjer og bevarte bygningar frå middelalderen. Du kan til og med oppleve å overnatte i ein bygning som husa pilegrimar heilt attende til 1300-talet på Sygard Grytting.
Gudbrandsdalsleden gir deg også nærkontakt med arven etter Olav den heilage. Olavskjelder er utbredt, og desse skulle ha helande verknad.
Langs Gudbrandsdalsleden finn vi dei historiske stadene St. Hallvardskatedralen, Bønsnes, Granavollen, Hamardomen og Dale-Gudbrands Gard. Fleire av stadene er relatert til sagaen om Olav Haraldsson, seinare Olav den heilage.
Langs leden finn vi og våre fremste kulturberere, kyrkjene, og når du vandrar Gudbrandsdalsleden er det aldri langt mellom desse heilage stadene som vitnar om den kristne tradisjon som Olav den heilage samla Norge til.
Kontaktpersonar
Om Pilegrimsleden
Pilegrimsleden er eit nettverk av vandreruter som tek deg gjennom vakker natur, kulturlandskap og historiske stader. Ledane startar i ulike delar av landet, og alle leier til Olav Hellige si gravkyrkje, Nidarosdomen i Trondheim.
Den middelalderske tradisjonen med pilegrimsvandring har fått ny popularitet, både mellom religiøse, historieinteresserte og turfolk.
Kvar av ledene har fått eigne namn, ofte med opphav i stadsnamn. Til dømes har Gudbrandsdalsleden frå Oslo til Trondheim namnet sitt frå dalføret som leden går gjennom.
Gudbrandsdalsleden slynger seg gjennom bygder og byar, krysser fjell og fossar, og snor seg langs dei eldgamle stiane i møte med historie, kultur og lokale tradisjonar. Døler som bur langs leden kan fortelje historier knytt til gamle hus, kyrkjer, landskap og kultur, og samstundes by på lokale mattradisjonar og spanande overnattingsstader.