Prosjektet Ungt tradisjonshandverk søker handverkarar til seks månaders spennande praksis på Gudbrandsdalsmusea.
Ungt tradisjonshandverk er eit prosjekt i regi av Norsk håndverksinstitutt. Gjennom prosjektet har instituttet tilsett 25 unge handverkarar i praksis på museum over heile landet. Målet er at unge handverkarar skal få auka kompetanse og eit nettverk som gjer det enklare å satse på tradisjonshandverk som yrkesveg. Norsk håndverksinstitutt søker no ein ung handverkar til Gudbrandsdalsmusea.
Gudbrandsdalsmusea kan tilby praksis til ein tømrer eller ein smed. Handverkaren vil bli engasjert i fleire spennande prosjekt i museet, alt frå istandsetting av eldre bygningar til kurs og noko formidling.
Søkarar bør ha sveinebrev/fagbrev eller vere i eit lærlingeforløp.
Merk at det kan vere mogleg å søke om dispensasjon frå øvre aldersgrense (25).
Søknad sender du til direktør Knut Aastad Bråten // knut.aastad.braten@gudbrandsdalsmusea.no
Søknadsfrist 15. august.
Oppstart så snart som mogleg og seinast innan utgangen av 2025.
Prosjektet er støtta av Sparebankstiftelsen DNBog Innlandet fylkeskommuneFor tilsetting ved Norsk håndverksinstitutt gjeld Landsoverenskomst for museum og andre kulturinstitusjonar, løn etter avtale. Medlemskap i Statens pensjonskasse.
- 1/1
Knut Aastad Bråten
